За театарот

Историја

Народниот театар во Гевгелија бил изграден во 1953 година и претставува едно од позначајните културно-архитектонски обележја на градот. По земјотресот во 1990 година и пожарот во 1996 година, театарот бил надвор од употреба. После опожарувањето била извршена санација на конструкцијата и покривот на објектот, но неговата внатрешност и фасадата останале во руинирана состојба.

Во ноември 2010 година било најавена целосна реновација на театарот. Вредноста на проектот бил 650 илјади евра, 500 илјади од Европската комисија и 150 илјади од Општината.На 17 декември 2011 година, театарот бил пуштен во употреба со претставата „Свадбата на Фигаро“.

Мисија и улога на театарот

Народниот театар Гевгелија има за цел да ја негува драмската уметност, да создава квалитетни театарски претстави и да придонесува кон културниот живот на градот и регионот. Театарот претставува простор за уметничко изразување, културен дијалог и едукација на публиката од сите генерации. Преку својата работа, театарот поттикнува критичко размислување и активно учество на публиката во културниот живот на заедницата.

Уметничка дејност

Народниот театар Гевгелија претставува центар на драмската, музичката и сценската уметност во регионот. Преку својата уметничка дејност, театарот создава простор каде драмскиот текст, музиката и сценскиот израз се спојуваат во целосно уметничко доживување. Народниот театар Гевгелија претставува едно од најважните културни обележја на градот и место каде со децении се создаваат спомени, уметност и култура.